Author: rcasf

O kalinislinisan a Indu ning Dios at Indu mi naman.

Leave a Comment
O kalinislinisan a Indu ning Dios at Indu mi naman.
Reina ning banua ampon yatu,
kapagmulalan a Virgen de los Remedios,
antimong malugud a anak, a makapadurut king trono mu
at makasiklaud arap ning dangalan
a meging Indu na ka ning Dios,
kaniting aldo tutung maligaya para keka
at para kekami maragul namang tula,
tatagulaling mi keka ing pañgatau mi,
ing pibalebale mi, ing sablang meging kekami,
alañg-alañg king dakal nang pakalulu ning Dios,
ing balen mi ampon ing mabilug a provincia mi,
ba mung ampunan iting sabla at lingapan
layun pakibilang mu sanang bandi mung tune.
Manibat king banuang pakasautan mu,
nung nu ka meging Reina, siping ning Anak mu y Jesus,
itangad mu la kekami ring mata mung maka-indu
ampon maka-reina.
Ika na sana ing talapaglingap
king keyalan dang malit ding anak mi,
king kahinhinan ampon kapamintuan ding kayanakan mi
king ikasaplala ra ding balen mi,
king katahimikan ning provincia mi, a kebaitan mi
alañg-alañg king kaburian ning Dios.
Ngening miputuñgan kang korona,
antimong Reina ampon Indu ning provincia mi,
ñgening gugulisak da kang Patulunan ning Kapampañgan,
uyab ning kapasalamatan
karing dakal a kalam mu, a pigkalub mu kekami,
daraun mi ing pañgatau mi
at ing sablang apakiabutan mi
a pigkalub ning Dios para king ikanono mi
kabang maglakad kami keti king karinan ning lua.
Ing matibe ming kapanaligan yapin
ing nung miras na ing tauling aldo paglako mi keti yatu,
antimong kayablasan ning tapat ming devocion
ampon kasuyuan keka,
tañggapan mu na kami man sana,
king banuang pakasautan mu.
O Kapagmulalan a Virgen de los Remedios,
Indu ring Kapaldanan, Tula ning Kapampañgan,
bendisiunan mu kami at e mu sana kakaliñguan
king ika ing Indu ampon Patulunan ning Provincia mi.
Amen.

MAKIBAT, MAGKANTA, MANALANGIN!

Leave a Comment

MAKIBAT, MAGKANTA, MANALANGIN!

Ban lalu tamung makapakiabe karing panalangin, dalit at pangimut ning Liturgia para king Solemindad ning Virgen de los Remedios kambe ning ka-69 anibersario ning kayang Coronasyon Canonical, oreni ring digital format ning liturgia para karing kekatamung kapagmasusian.

Atilu keni ring tekstu ning Makuyad a Liturgia ning Oras at ning Banal a Misa. Malyari lang i-download kaniting link:

https://bit.ly/VDLR69_Liturgia
https://bit.ly/VDLR69_Liturgia
https://bit.ly/VDLR69_Liturgia

Makiabe tamu’t makitalamitam king pamanyamba tamu antimong metung a Balayan ning Dios king Liturgia.

#VDLR69

In honor of the 69th anniversary of the Canonical Coronation

Leave a Comment

In honor of the 69th anniversary of the Canonical Coronation of the Virgen de los Remedios, patroness of the province of Pampanga, the Archdiocesan Commission on Social Communications invites our brothers and sisters from the media who wish to cover the celebration in their respective media outlets.
Please complete the form below (using a computer) and WAIT for the office’s APPROVAL for your accreditation. By entering your information below, you grant the ACSC permission to store your name and organization in our database and acknowledge that your application may be denied.
Applications will be accepted until 10:00 am on September 07, 2025.