Guinung JesúCristo, alang-anggang Matas a Pari,
dinaun me ing sarili mu king Ibpa,
king altar ning cruz
at king kapamilatan ning pamitubud mu
king Banal a Espiritu
dininan meng dake ing balen a pari mu
king makakabus mung sakripisyu.
Pakiramdaman mu ing panalangin mi
para king pangabanal ding pari mu
a ngeni makatipun mag retreat.
Pagkalam mu karing sablang miordinan
king kasuyuan antimong pari
ing lalu la sanang pane maging kauangis mu.
O Dibinong Maestro,
ipanaral de sana ing Mayap a Balita
kambe ning malinis a pusu,
masalang konsensya,
at matulang diua,
maging pastul la sana agpang king pusu mu,
metung mu pusu at kaisipan
king pamanyuyu keka
at king Banal a Kapulungan mu
at maslag a alimbaua ning metung a banal,
mapakumbaba, simpli, at masigasig bie-pari.
Matba la sana mipnung tetagan
king amun ning panga-propeta
talakad ban ipanlualu ing bie, ing katutuan,
ing hustisya at ing kapayapan
at ding pakakalulu, milele at makakalinguan…
kanita datang busal mi ing pamangari mu.
Anti murin, manimuna la sana
king pamangabus king kapaligiran
at pangamayap a katiuala king sablang lelangan.
King kapamilatan ding panalangin
ning Nuan a Virgen Maria,
ing Indu mu at Indu mi mu naman,
ilapit mu la ngan ding paring pastul mi
at ding kauan a mipagkatiuala
king pamaglingap da
king kaganapan ning alang-anggang bie.
nu ka mabibie ampon magari kambe ning Ibpa,
ampon ning Banal a Espiritu,
Dios, mangga man king alang-angga.
Amen.
Triduo Para Karing Pari:
